Yn siew bai lutksan sha ki lanot shah tynrah kali lyngba ka ‘Hit and Run Accidents Scheme 2022’

Syllad | The Rising MeghalayaNovember 22, 2023

U Deputy Commissioner, East Jaintia Hills District haka sngi Balang, u la pynmih ia ka jingpynbna ba ka Motor Vehicles Act, 1988, ia kaba la pynkylla katkum ka Motor Vehicles (Amendment) Act, 2019, kala pynkiew iaka bai lutksan sha kito ki lanot kiba khlad ne mynsaw jur na ki jingjia shah tynrah ha ki kali ki bym shym la ioh bat ne ki bym shym la sangeh.

Ka Ministry of Road Transport and Highways, ka Sorkar India ka la pynmih ia ka jingpynbna ban siew ia ka bai lutksan sha ki lanot lyngba ka skhim ba la tip kum ka “Hit and Run Motor Accidents Scheme, 2022” ka ba long T.2,00,000 lada jia ba khlad na ka jingjia shah tynrah ha ki kali ki bym sangeh bad T.50,000 na ka bynta kito kiba ngat ha ki jingmynsaw jur na kum kine ki jingjia.

Kane ka skhim ka buh ruh ia ki kyndon na ka bynta ka jingkam ha ka por kaba biang. Na ka liang ki Enquiry Officer kiba khmih halor kane ka jingkam ne claim ki donkam ban shim ia ka rai hapoh ka shi bnai naduh ba ki la ioh pdiang ia kane ka jingkam, ha kaba na ka liang ki ophisar ba dei khmih kin ioh por 15 sngi ban mang halor ka jingkam bad ban phah ia kane ka mang ne sanction order sha ka General Insurance (GI) Council ha ryngkat ka jingpyntip sha ki bor ba dei khmih jong ka  Motor Accident Claim Tribunal bad Transport Commissioner.

Hadien kane ka jingpyllait ia kane ka pisa bai lutksan sha ki nongkam ka dei ban long hapoh ka 15 sngi da ka GI Council. Na ka bynta ki jingtip ba kham bniah bad ki form lah ban leit lyngba ka site https://www.gicouncil.in/insurance-education/hit-and-run -motor-accidents/