Yn siew noh iaka tulop ki nonghikai SSA: Lahkmen

Syllad | The Rising MeghalayaDecember 21, 2021

U Ma Lahkmen Rymbui Myntri ka tnad Pule Puthi ula pynbna ba ka sorkar pdeng kala pyllait pisa biang sa T.58 klur naka bynta ban siew iaka tulop jong ki nonghikai SSA.

“Nga sngewtynnad ba mynhynnin ka sngi ka sorkar India kala pyllait biang sa T.58 klur naka bynta ban siew iaki tulop nonghikai SSA. Nga kyrmen ba ngin lah ban siew ar bnai bad ngin pyrshang ban siew lai bnai ka tulop ki nonghikai,” la ong u ma Lahkmen haba kren haka jingplie paidbah iaki ar tylli ki iingskul ha Nongtalang haka sngi ba Ar.

Ula ong shuh shuh ba ha kaba iadei bad ka tulop SSA ka sorkar jylla kam shem la shong kli kti bad man ka por ka buddien ban pynioh iaka tulop bad ka hok jong ka sorkar Jylla.