Yn wan iashim bynta u Jyotiraditya Scindia ha ka Tamasa ‘Cherry Blossom’

Syllad | The Rising MeghalayaNovember 13, 2024

U Jyotiraditya M. Scindia, Myntri ka Sorkar Pdeng uba khmih ia ka Tnad Communications and Development jong ka North Eastern Region (DoNER) un ban iashim bynta lang ha ka Tamasa ‘Cherry Blossom Festival 2024’ ka ban long ha ka janmiet jong ka 15 tarik u Naiwieng ha Ri Bhoi District.

Kane ka jingwan jong u Scindia ka long ruh shibynta jong ka jingwan jngoh ba laisngi ka jong u ia ka thain Shatei Lammihngi jong ka Ri ka ban sdang naduh ka 13 tarik u Naiwieng 2024.

Ha kane ka jingwan jngoh ia kane ka thain Shatei Lammihngi u Scindia un khot pynlong ruh ia ka jingialang bad ki Myntri Rangbah ka Arunachal Pradesh, Nagaland, Mizoram bad Tripura.

Nalor kata une u Myntri ka Sorkar Pdeng un leit iashim bynta ruh ha ka Janjatiya Gaurav Diwas programme ka ban long ha Agartala ha ka 15 tarik u Naiwieng.