Yn wan pynkhynniuh ki kynhun tem na Guwahati Shillong Jowai DJ na Mumbai haka Jowai Winter Carnival ka Panaliar

Syllad | The Rising MeghalayaDecember 9, 2021

ki kynhun nongtem ba paw ka sorbah Guwahati, Shillong bad Jowai kin wan ban pynkhynniuh iaka nongbah Jowai haka Jowai Winter Carnival ka ban long haka 10 bad 11 tarik une u bnai ha Panaliar, Jowai.

Kine ki kynhun tem ki kynthup iaka Czars (kiba ki nongtem bad ki nongrwai ki dei na Jowai, Nagaland bad kiwei kiwei shnong), Colossal Corp (Guwahati) bad ka Gracyl Ropmay kin tem rwai lashai ka sngi 10 tarik Nohprah.

Haka sngi kaba bud 11 tarik Nohprah ka kynhun Crux 04 (Jowai), Imperial Tribe (Shillong), DJ Vikash Kaser (Mumbai).

Kane ka Carnival ka dei kaba pynlong da ka Dorbar Shnong Panaliar ban pynmih pisa naka bynyt ban tei iaka Indoor Sports Complex jong ka shnong, la ong u Ma Careme Phawa general secretary ka Dorbar Shnong Panaliar.

Ula iathuh ba ha kane sngi khatduh yn pynkhalai ruh iaka lucky draw. Ka khusnam ba nyngkong kalong T.3 lakh, ba ar T.1 lakh bad ba lai T.50 hajar bad ki consolation prize mar T.10 hajar 3 tylli.

Nalor kine kan don ki jingialehkai bad jingbam ba bunjait ha kane ka tamasa ha kine ki ar sngi.