Yn wan pynshongshit ka DJ na Europe haka Jowai Winter Carnival

Syllad | The Rising MeghalayaDecember 11, 2019

JOWAI: Kumba ju long manla u snem ka Dorbar Shnong jong ka Panaliar kan pynlong biang ïaka Jowai Winter Carnival haka 13 bad 14 tarik une u bnai Nohprah (December) ha madan ïalehkai ka shnong Panaliar.

U General Secretary ka Dorbar Shnong Panaliar u ma Careme Phawa, ula ïathuh ba ha kane ka sien yn ha kane ka tamasa naka bynta ban pynmih pisa ïaka dorbar shnong ban pynïaid shaphrang ïaki kam ak skul bad kiwei kiwei ki kam tei jingtei ka shnong, ka dobar shnong kala wanrah da ka DJ Berry Gangsta na ri Lithunia (Europe), ka DJ Ritika na Kolkata.

Nalor kine ki arngut ki nongtem DJ, yn wan tem ruh da ka Anthracite na Mumbai, ka Lords of Rock na Nagaland bad ki kynhun tem ba paw bapher bapher na Jowai.
La iathuh ba ha kane ka Winter Carnival kan don ka bam ka dih bad ki jingialehkai khynnah nalor kiwei kiwei ki jngialehkai ban pynbyrngia. Kan don ruh ka Mega Lucky Draw bad ka Bumper Housie bad kiwei kiwei.

Ka Dorbar shnong Panaliar ka khot ka wer sngewbha ïa baroh ban wan sha kane ka carnival ban kyrshan ïaka shnong khnang ba ki jingthmu ba bha jong ka shnong kin long kiba jop.