Yn wan tem ka DJ na Russia bad ka kynhun tem na Guwahati haka Syntu Ksiar Musical Festival

Syllad | The Rising MeghalayaMarch 2, 2022

Ka nongtem DJ na Russia kaba tip kum ka Holy C bad ka kynhun tem na Guwahati ka Lady Midday bad na Jowai ka Band’s Men kin wan tem haka Syntu Ksiar Musical Festival kaba pyniaid da ka dorbar shnong Panaliar, Jowai.

Kane ka tamasa kan long haka 5 tarik Lber haka jaka kaba la tip kum ka Yong ka Skot kaba don harud ka Wah Myntdu (Syntu Ksiar). Kane ka tamasa kan sdang naduh ka por 10 baje mynstep haduh 10 baje mynmiet.

Kin don shibun jait ki jingpynbyrngia ia ki khynnah, ki samla bad ki rangbah kiba kynthup iaka bam ka dih bad ki jingialehkai ba har rukum ha kane ka tamasa.

Kumta ban pynshongshit ia kane ka tamasa na kaliang u Waheh Shnong Dorbar Shnong Panaliar, u Ma Riquoma Rq. Laloo haba ïakren bad ki lad pathai khubor, ula wer ia baroh ban wan sha kane ka tamasa. Ula ong ba ka jingthmu ban pynlong ïaka tamasa ka long ban pynmih pisa ban pynmiat pynbha ïaka bynta jong ka Syntu Ksiar kaba dei kawei ka jaka shangkai kaba itynnad ha sor Jowai.