Yn wanrah noh ïa ka draft ‘Water Policy’ ha Jylla ong u Myntri Rangbah

Syllad | The Rising MeghalayaJune 6, 2019

SHILLONG: U Myntri Rangbah ka jylla Meghalaya u la pynbna ba ha kine ki taïew ban wan ka sorkar Meghalaya Democratic Alliance (MDA) kan wanrah noh ia ka ‘Draft Water Policy’ ha ka jylla.

Ia kane u Myntri Rangbah u Conrad K Sangma ula pynbna haka sngi Palei haka jingialang ban plie pyrda ia ka International Seminar ba ar sngi halor ka phang ‘Understanding Water Crisis: The Way Forward’ ba la pynlong da ka Synod College, Shillong.

“Kane ka phang ba iadei bad ka um bam um dih ka long ka phang kaba donkam ban shimkhia bha bad kane ka seminar ka la long ruh ha ka por ba ka sorkar jylla ka dang thmu ban wanrah noh ia la ka jong ka Water Policy ha kine ki taïew ban wan lane ha kine ki khyndiat bnai.”

U Myntri Rangbah u la ong ruh ba ka sorkar jylla ka la pyrshang ban wanrah la ka jong ka water policy mynta la bun bun snem bad ka sorkar MDA ka dang shu wan ha ka bor ha u snem 2018 bad la rai ba la donkam pyndep noh ia kane ka kam ban wanrah ia ka water policy ka jylla.